السبت، 28 مارس، 2015

عرايش - وصفة جديدة ( خطوة بخطوة ).

*** صورة الحلوى :
هذه وصفة جديدة و متأكدة لما تجربوها راح تنسوا  الوصفة القديمة 
لأنووو بالفعل تذوب في الفم .
 ** المقاير:
مخصصة للحول على 18 حبة من العرايش.
01 فنجال زيت .
01 فنجان من الحليب .
01 فنجان من السمن الذايب و البارد.
ملعقة صغيرة من روح الزهر .
الفرينة.
** طريقة التحضير :
* نضع السمن في اناء .

* نضيف الزيت .

* نضيف الحليب .

* نضيف روح الزهر.

* نخلط حتى يتجانس الخليط .

* الان نضيف الفرينة .

* يجب ان نتحصل على عجينة متماسكة نوع ما ...
 ما تخافوش ما يجوش يابسين لانهم مبسين مليح.

* نعجنها حتى تصبح ملساء.


* نصنع كريات وزن كل كرية 30 غ و نحتفظ بهم في كيس
 و نتركهم يرتاحوا مدة 30 دقيقة.

* بعد ارتاحوا نأخذ كرة و نطريها قليلا باليد كي شغل نعملوو كويرة من جديد.

* نبسطها هكذا باليد و ندير داخلها كرة حشوة اللوز .

* نشكل بها حرف T.

* نبدأ بجمع الجوانب .

* ثم نغلقهم جيدا.

* نقلب الحبة.

* و نبدأ نمشي حشو اللوز من الوسط الى اطراف العرايش هكذا .

* هكذا.

* الان نبدأ نعطيها شكل العرايش نأخذ كل طرف و ندور كيما 
عقارب الساعة .ما تخافوش و ما تهابوش من العجينة ... و الله ساهلين.

* شفتوو كيفاش عملية سهلة.

* هاهو الشكل ...شفتووو شحال ساهل.

* نحط الحبات في صينية و نخليهم يرتاحوا 30 دقيقة و نثقبهم بواسطة عود .

* الان نحطوهم في الفرن على درجة 180 ° مدة 15 - 20 دقيقة.
كل وحدة و الفرن تاعها نشعل عليهم من تحت و اذا حسيتوهم 
ما طابوش من الفوق شعلوا عليهم 03 دقائق فقط.

* كي يطيبو و يبردو تماما نديرولهم الطلاء.

* هكذا.

* نخليهم يقطرو.

* و التزيين حتى ينشفو شوية . نفس الطلاء درتلو شوية ملون 
غذائي و غمقتلو اللون و زينت. و كل واحد  يدير كيما تحب
اما الزهور تاع التزيين درتها بعجينة السكر.



* نتركهم ينشفو ثم نقص الحواشي الزائدة.

* الان لتلميع الحلوى نستعمل ملمع غذائي + نستعمل الفرشاة.

*** التقديم :

ليصلك جديدنا باستمرار اكتب ايميلك هنا من فضلك :

Delivered by FeedBurner